Џонсон и порача на Меј: Дојде време да им се спротивставиш на насилниците во ЕУ
- Детали
- Категорија: Свет
- Создадено: 15 Октомври 2018
Велика Британија треба да им се спротивстави на насилниците во ЕУ и да изврши притисок да се постигне договор за слободна трговија, порача поранешниот шеф на британската дипломатија Борис Џонсон.
На тој начин Џонсон дополнително изврши притисок врз британската премиерка Тереза Меј поради Брегзит.
Во колумна за весникот „Телеграф“, тој оцени дека преговорите за Брегзит се наоѓаат во „моментална криза“ и Меј треба да ја смени тактиката.
- Дојде моментот кога треба да им се спротивставиш на насилниците. По повеќе од две години немилосрдно малтретирање од страна на ЕУ, време е Британија да пружи отпор, нагласи Џонсон.
Поранешниот министер за надворешни работи на Британија оцени дека постои подобро решение, односно „супер Канада“ договор, кој подразбира дека не постојат тарифи и квоти.
Иако останаа помалку од шест месеци од излезот на Британија од ЕУ, во текот на најновата рунда преговори во Брисел не е постигнат договор околу условите за Брегзит, а преговарачите на ЕУ и Британија времено ги прекинаа разговорите до средина на неделата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс