Мун: Ким е искрен во врска со нуклеарното оружје, треба да биде награден
- Детали
- Категорија: Свет
- Создадено: 15 Октомври 2018
Севернокорејскиот лидер Ким Џонг-ун е искрен и навистина сака да се откаже од нуклеарното оружје, изјави јужнокорејскиот претседател Мун Џае-ин, нагласувајќи дека меѓународната заедница треба да го награди поради тоа.
- Оваа година со часови разговарав со Ким. Тие средби ме уверија дека тој донел стратешка одлука да се откаже од нуклеарното оружје, истакна Мун.
Пјонгјанг оваа година ги прекина нуклеарните и ракетните тестирања, но не го исполни ветувањето да дозволи меѓународна инспекција во демонтираниот полигон во мај.
Меѓутоа, Мун тврди дека Ким е „искрен, смирен и учтив“, но и се „чувствува фрустрирано поради недовербата на меѓународната заедница“.
- Сега е време да се одговори на тие напори... Мора да го увериме Ким Џонг-ун дека донел вистинска одлука за денуклеаризација и да го следиме во неговата желба за конечен мир, додаде јужнокорејскиот лидер.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс