Хант: Се уште без конечен договор за Брегзит

Секретарот за надворешни работи на Велика Британија Џереми Хант изјави дека и натаму има отворени прашања околу договорот за Брегзит. Сепак, тој оцени дека со добра волја е можно постигнување договор кој ќе ги задоволи сите страни.

 

Хант, при доаѓањето на денешниот состанок на министри за надворешни работи на ЕУ во Луксембург, оцени дека и натаму постојат компликувани прашања кои мора да се надминат со цел постигнување договор за излегување на Велика Британија од Унијата.

 

- Ова е тежок период, но нема да заборавиме дека веќе е направен голем прогрес. Постојат едно или две отворени прашања и се надевам дека ќе постигнеме договор. Дали тоа ќе биде оваа недела или не - тоа никој не знае. но сите се трудат, истакна Хант.

 

Тој на Британците им порача дека премиерката тереза Меј нема да потпише договор за Брегзит кој не е во согласност со резултатите од референдумот за излегување на Велика Британија од ЕУ и додаде дека верува оти на таа основа ќе биде можен договор кој ќе ги задоволи и ЕУ и нејзините членки.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.