ЕУ усвои нов режим на санкции против употребата на хемиско оружје
- Детали
- Категорија: Свет
- Создадено: 15 Октомври 2018
Советот на министри за надворешни на ЕУ во Луксембург денеска усвои нов режим на санкции за спречување на употребата на хемиско оружје, јави дописничката на МИА од Брисел.
Отсега ЕУ ќе биде во можност да воведе санкции врз лица и ентитети инволвирани во развивањето и употребата на хемиско оружје, без разлика на нивната националност или локација.
Санкциите ќе можат да се однесуваат и на оние кои даваат финансиска, техничка и материјална помош или пак оние кои охрабруваат, асистираат или се поврзани со развој на ваквото оружје, соопшти денеска Советот.
Санкциите ќе се состојат од забрана за патување во ЕУ и замрзнување на имот за лица и ентитети.
Со ова ЕУ одговара на сѐ почестата појава на употреба на хемиско оружје во ЕУ и надвор од неа, како во Солсбери или Сирија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
