Јапонија најавува зголемување на стапката на ДДВ
- Детали
- Категорија: Свет
- Создадено: 15 Октомври 2018
Јапонската Влада денеска најави зголемување на ДДВ во идната година со што сака да го намали јавниот долг и покрај преупредувања за можно негативно влијание на тој потег врз економскиот раст.
Стапката на ДДВ ќе се зголеми од осум на 10 отсто во октомври идната година. Првично требаше да биде зголемена во октомври 2015 година, но во два наврата владата го оддолжуваше тој потег поради стравувања за нарушување на кревкото економско опоравување.
Проценките се дека поради зголеменото ДДВ во април 2014 година економијата влегла во рецесија.
Премиерот Шинѕо Абе смета дека овојпат со мерките ќе се успее да се спречи пад на личната потрошувачка. Јапонија има огромен јавен долг и поради стареење на популацијата се соочува со огромни трошоци за социјална помош и посебно за здравственото осигурување.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс