Германија против цртање нови граници на Балканот
- Детали
- Категорија: Свет
- Создадено: 14 Ноември 2018
Германија е против разграничување меѓу Србија и Косово како модел на решавање на косовското прашање и тој став нема да се смени, изјави денеска германскиот амбасадор во Србија Томас Шиб, оценувајќи дека ставот го споделуваат и голем број земји во ЕУ и во регионот.
-Канцеларката Ангела Меркел во повеќе наврати јавно го изнесе својот став, а тој став и натаму важи. Знам дека имаше спекулации дека Германија може ќе го смени ставот, но не – германскиот став останува, рече Шиб за телевизијата Н1.
Тој појасни дека Германија е загрижена доколку дојде до промена на границите или размена на територии можно е да има импликации во регионот, дека тоа би можело да придонесе за решавање на проблемите но може да предизвика проблеми на друго место во регионот.
Шиб вели дека не е точно дека со само мала размена на територии ќе се реши косовскиот јазол и додаде дека разграничувањето го скренува вниманието од цела низа други прашања, како што се заштита на малцинствата, заштита на црковното наслство и многу други.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс