Експерти на ОН во знак на протест ја напуштаат Унгарија

Експерти од Работна група за арбитрарен притвор при Обединетите нации соопштија дека ја прекинуваат посетата на Унгарија затоа што не им бил дозволен пристап до двете „транзитни зони“, близу границата со Србија каде се собираат мигрантите.

 

Во соопштението се наведува дека експертите изразуваат протест поради одбивањето на властите да им дозволи посета на „транзитните зони каде мигранти и баратели на азил, меѓу кои и деца, се лишуваат од слобода“.

 

Унгарските власти однапред знаеле дека Работната група ќе ги посети тие локации.

 

Унгарија во 2015 година постави ограда од бодликава жица на границите со Србија и Хрватска, каде е воспоставена „транзитна зона“ каде барателите на азил се задржуваат до решавањето на нивните апликации.

 

Работната група наведе дека нивниот мандат предвидува „слобода на истрагата“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.