Тахири: Од петок Косово ќе има своја војска

Министерот за правда на Косово Абељард Тахири е убеден дека од овој петок, 14 декември, Косово ќе има своја војска, јави дописникот на МИА од Приштина.

 

Тахири вечерва во интервју за телевизијата Клан Косова изјави дека „нема сомнежи дека војската ќе ја биде" до крајот на неделава, затоа што во косовското Собрание ќе се изгласаат законите со кои сегашните Безбедносни сили на Косово (ФСК) ќе се трансформираат во војска на Косово.

– Петок несомнено ќе биде денот по кој граѓаните на Косово и државата Косово ќе ја имаат својата војска", изјави Тахири.

Собраниската седница на која ќе се гласа за пакетот закони со кои ФСК ќе се трансформира во војска е закажана за 14 декември, а властите во Приштина веќе најавуваат свечености за одбележување на тој настан.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.