Путин и Меркел најавија де-ескалација на тензиите во Црното Море
- Детали
- Категорија: Свет
- Создадено: 10 Декември 2018
Рускиот претседател Владимир Путин и германската канцеларка Ангела Меркел разговарале по телефон за активностите на украинските власти во Црното Море, проблемите со сириското помирување и намерите на американската администрација да излезе од Договорот за искоренување на ракетите со среден и мал дострел. Ова беше најавено од прес-службата на Кремаљ.
"Разговорот се однесуваше на ситуацијата за нарушување на државната граница на Русија од страна на украинските бродови. Изразен е заеднички интерес да не се дозволи ескалација на тензиите во Азовското и Црното Море и за регулирање на проблемите што се појавија како резултат на провокативните дејствија на украинските власти", се вели во официјалното соопштение.
За време на разговорот, двајцата лидери, исто така, разговарале и за сириската криза.
"Нагласена е приоритетна улога на задачата за развој на меѓупартиски дијалог и формирање на Уставен комитет. Лидерите, исто така, размениле ставови за стратешката безбедност во врска со намерата на САД да се повлече од Договорот за ракети со среден и мал дострел", потврди Кремаљ.
Разговорот се одржал на иницијатива на Берлин. Путин и Меркел се согласиле да продолжат со контакти на различни нивоа, се вели во извештајот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
