Новиот украински православен лидер ја одржа својата прва литургија
- Детали
- Категорија: Свет
- Создадено: 16 Декември 2018
"Нека Украинците се молат за мир за својата земја и се обединат во пазувите на Православната Црква на Украина". Ова беше кажано во неговата прва литургија како глава на новосоздадената духовна институција, митрополитот Епифан.
"Треба да го завршиме обединувањето на украинската православна заедница, да се молиме за крај на војната и за мир во Украина", изјави Епифан, пренесоа украинските медиуми.
Тој рече дека Црквата нема да презема важни одлуки, вклучувајќи за својата структура, додека нодсевселенскиот патријарх не добие официјален томос - документ за добивање автокефален статус.
Цариградскиот патријарх Вартолемеј има намера да му го предаде на митрополитот Епифан томосот (указот) за автокефалноста на 6 јануари, соопшти прес-службата на Вселенската патријаршија.
Создавањето на новата Црква е обид да се обединат сите украински православни верници под еден покрив. Сепак, останува прашањето за иднината на Црквата која остана верна на Московската Патријаршија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
