Кремљ: Ердоган наскоро ќе ја посети Москва
- Детали
- Категорија: Свет
- Создадено: 09 Јануари 2019
Турскиот претседател Реџеп Тајип Ердоган наскоро ќе ја посети Москва за да разговара со шефот на руската држава Владимир Путин, соопшти денеска Кремљ.
Во соопштениеот на Кремљ се нагласува дека точниот датум на посетата на Ердоган на Русија се уште не е договорен.
Русија и Турција се едни од клучните актери во конфликтот во Сирија. Двете земји лани во септември договорија создавање демилитаризирани зони во реоните на линијата на фронтот меѓу сириските владини сили и бунтовниците.
Ваквиот договор меѓу Москва и Анкара ги принуди сириските власти да се откажат од планираната офанзива врз позициите на бунтовниците во провницијата Идлиб.
Во сирискиот конфликт Русија е сојузник на властите во Дамаск, додека Турција поддржува дел од бунтовничките групи.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс