ЕУ ризикува да доживее колапс доколку не најде заеднички став за мигрантите
- Детали
- Категорија: Свет
- Создадено: 14 Јануари 2019
Италијанскиот премиер Џузепе Конте изјави денеска дека Европската унија ризикува да доживее колапс доколку не најде заеднички став за мигрантите.
– Ако продолжиме без заеднички пат, ризикуваме да ја уништиме европската зграда, рече Конте на прес-конференција на која зборуваше за средбата со еврокомесарот за миграции, внатрешни работи и државјанство, Димитрис Аврамопулос, во Рим.
Аврамопулос разговараше и со заменик-премиерот и министер за внатрешни работи Матео Салвини, кој одбива да дозволи пристап на бродовите со мигранти на италијанските пристаништа.
– Ние му претставивме на Аврамопулос што Италија направи досега. Ние сме носители на промените на правецот кој носи успех. Италија е препуштена сама на себе и сама се носи со тој проблем, истакна италијанскиот премиер Конте.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
