Во Кашмир загинаа четворица индиски војници
- Детали
- Категорија: Свет
- Создадено: 18 Февруари 2019
Четворица индиски војници загинаа во денешниот оружан судир со терористите кои се борат против индиската управа во Кашмир од 1989 година, јави ДПА.
Во судирот се повредени еден војник и еден цивил, кој се случува откако во четвртокот бомбаш-самоубиец со автомобил се втурна во индиски полициски конвој, при што загинаа 44 полицајци.
Судирите избија рано изутрина, откако владините сили опколија село во јужната област Пулвама, по добиена информација дека таму се кријат терористи. Откако безбедносните сили почнале со претрес, дошло до престрелка, што резултирало со убиство на четворица војници, соопшти полицијата. Меѓу жртвите е и еден мајор во индиската војска, а двете повредени лица се во критична здравствена состојба.
Полицијата информира дека по запирањето на престрелката, војниците се уште вршат претрес во селото.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс