Една жена почина, а десетоци беа затруени во престижен ресторан во Шпанија

Една жена почина, а десетици беа затруени во еден престижен ресторан во Валенсија.

 

Името на 46-годишната мајка не се соопштува, а нејзиниот сопруг и 12-годишното дете се исто така меѓу затруените.

 

Вкупно 29 лица се затруени, а заедничко за сите е што јаделе во престижниот ресторан РиФФ, кој има една ѕвезда на Мишелин и е раководен од познатиот готвач Бернд Кнолер.

 

– Со исклучок на жената која почина, останатите затруени поминаа полесно, претежно со повраќање, информираат од регионалната здравствена инспекција.

 

Жената починала во неделата, а властите откриле вкупно 75 лица, кои се јаделе во РиФФ од 13 до 16 февруари.

 

Од нив, 29 се пожалиле на дијареа или повраќање.

 

– Донесов решение да го затворам ресторанот додека не се разјаснат причините, изјави Бернд Кнолер.

 

Готвачот изрази сочувство до семејството на починатата и додаде дека досега не се откриени прекршоци извршени од РиФФ. 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.