Москва: Подготовките на САД за поставување оружје во вселената е неодговорно
- Детали
- Категорија: Свет
- Создадено: 15 Март 2019
Официјална Москва оценува дека подготовките на Вашингтон да постави оружје во вселената се неодговорни, изјави денеска портпаролката на руското министерство за надворешни работи Марија Захарова.
– Чекорите на САД преземени во последно време, во однос на подготовки за распоредување оружје во вселената, вклучувајќи и формирање на вселенска група за ракетна одбрана, ја потврдуваат растечката потреба од меѓународни напори за спротивставување на таквите неодговорни планови, истакна Захарова.
– Се надеваме на брз почеток на преговори за ова прашање на конференцијата за разоружување, а во контекст на одржување меѓународна безбедност и стратешка стабилност, потенцира таа.
Рускиот министер за надворешни работи Сергеј Лавров ќе учествува на конференцијата за разоружување во Женева на 20 март.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс