All for Joomla All for Webmasters

САД, Канада и ЕУ со нови санкции против Русија

САД, Канада и Европска Унија  денеска ги проширија санкциите кон Русија поради „континуираната агресија врз Украина", се наведува во најновото соопштение од американскиот Стејт департмент.

 

Најновиот бран на санкции е поради „руската агресија со запленувањето на три украински воени бродови во Керченски Теснец"во ноември минатата година, при што од руска страна беа задржани десетина украински војници.

 

– Дополнителни санкции се воведени против три компании во одбранбениот сектор на Русија, двајца поединци кои учествувале во фалсификуваните „избори" во источна Украина под контрола на руски сили и против две градежни компании на Крим, се наведува во соопштението на Стејт департментот.

 

Исто така се посочува дека „нападот претставува опасна ескалација и повреда на меѓународните закони" и властите во САД ја повикуваат Русија веднаш да и ги врати на Украина запленетите бродови и да ги ослободи задржаните војници, како и дека Керченскиот Теснец и Азовско Море треба да бидат слободни за морска пловидба и транзит до пристаништата во Украина.

 

– Повикуваме на почитување на суверенитетот и територијалниот интегритет на Украина, вклучувајќи ги и нејзините морски граници. Пораката е јасна – меѓународната заедница нема да стои настрана додека Русија продолжува со кршење на меѓународните закони. Трансатлантската заедница е обедината во спротистaвување на руската агреасија, се истакнува во соопштението од Стејт департментот.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.