Харадинај се сретна со помошничката државен секретар на САД Кирстен Медисон

Косовскиот премиер Рамуш Харадинај ја прими денеска во својот кабинет помошничката државен секретар на Соединетите Американски Држави задолжена за меѓународни прашања за наркотици и владеење на правото, Кирстен Мeдисон, на која ѝ се заблагодари за постојаната американска поддршка за јакнењето на безбедносните капацитети на земјата, јави дописникот на МИА од Приштина.

 

Во објава на Фејсбук по средбата со Медисон, Харадинај порача дека „со безрезервната поддршка на стратешките партнери, како што се САД“, Косово забележа „суштински напредок во консолидација на безбедносните механизми, како и во владеењето и спроведувањето на законот“.

 

– На помошничката државен секретар за меѓународни прашања за наркотици и владеење на правото (ИНЛ) на САД, Кирестен Медисон ѝ се заблагодарив за постојаната американска поддршка за јакнењето на капацитетите на полицијата, обвинителството и другите наши безбедносни институции. Косово, во соочувањето со меѓународните безбедносни предизвици, е кредибилен партнер и секогаш на страната на своите стратешки парнтери, напиша Харадинај.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.