Трамп: Бразил би можел да стане членка на НАТО
- Детали
- Категорија: Свет
- Создадено: 19 Март 2019
Американскиот претседател Доналд Трамп изјави дека го смета Бразил за главен сојузник на САД надвор од НАТО, па затоа оваа јужноамериканска држава дури би можела да стане и членка на Алијансата.
Како што јави ДПА, Трамп ваквата изјава ја даде по средбата во Белата куќа со бразилскиот претседател Жаир Болсонаро.
Трамп нагласи дека на средбата станало збор за зајакнување на трговските односи меѓу САД и Бразил, како и за евентуално лансирање на вселенски летала од бразилска територија.
Американскиот претседател, исто така, ги поддржа амбициите на Бразил за зачленување во Организацијата за економска соработка и развој (ОЕЦД), во која членуваат 36 развиени земји од Европа, Северна Америка и Азија, како и јужноамериканската држава Чиле.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс