Заради безбедност Франција распоредува војници низ земјата
- Детали
- Категорија: Свет
- Создадено: 20 Март 2019
Францускиот претседател Емануел Макрон објави дека ширум земјата ќе бидат распоредени војници за да помогнат во одржувањето на безбедноста за време на протестите на жолтите елеци планирани за овој викенд.
Макрон изјави дека армијата ќе обезбедува владини згради и други локации, за да им овозможи на полициските сили да се фокусираат на одржување на јавниот ред и мир.
Околу 7.000 војници, од кои повеќето се вооружени со автоматски пушки, веќе се распоредени ширум земјата во рамките на операцијата Сентинел, како што ја нарекува армијата, осмислена со цел заштита на чувствителни локации по смртоносните напади во 2015 година.
Француската Влада во понеделникот објави нови мерки за безбедност и забрана на протестите на жолтите елеци долж авенијата Шанс-Елизе (Елисејски полиња) во Париз и во два други градови, по немирите во саботата во кои беа уништени продавници со луксузна стока.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
