Израел: Нетанјаху и формално мандатар за состав на новата влада
- Детали
- Категорија: Свет
- Создадено: 18 Април 2019
Израелскиот претседател Рувен Ривлин вчера му наложи на актуелниот премиер на Израел Бенјамин Нетанјаху да формира влада во рок од 42 дена, и по петти пат да ја преземе функцијата премиер.
Разговорите со претседателот на државата се чиста формалност, бидејќи владејачката партија Ликуд освои најголем број места во Парламентот, па затоа се очекуваше актуелниот премиер Бенјамин Нетанјаху да добие нов мандат.
Ривлин оваа недела разговараше со партијата Ликуд, а потоа и со претставници на другите 10 политички фракции за да ги слушне нивните препораки за идниот премиер.
Во следните недели, Нетанјаху ќе преговара со своите коалициски партнери за состав на кабинетот и поделбата на позиции.
Партијата Ликуд и нејзините сојузници во израелскиот парламент, Кнесет, освоија 65 пратенички мандати од вкупно 120 места во законодавниот дом.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
