All for Joomla All for Webmasters

Солун и Атина се поврзуваат со експресен воз

Од денеска Солун и Атина се поврзуваат со експресен воз, кој времето на патување од над пет часа ќе го намали на четири, јави дописничката на МИА од Атина.

Патувањето од Солун до Атина ќе трае 3 часа и 57 минути, а од Атина до Солун, 4 часа и 10 минути. И во двата правци, возот ќе застанува на две станици.

Цените на билетите остануваат непроменети, 55 евра за прва класа и 45 евра за втора класа, со 20 отсто попуст на повратен билет.

 

Министерот за транспорт и врски на Грција, Христос Спирѕис во средата беше во експресниот воз на првото пробно возење од Атина до Солун, кога рече дека е историски ден и „нова ера и нови хоризонти за Грчката железница, што ги отвори Владата на премиерот Алексис Ципрас и по 40 години ги заврши електрификацијата на линијата од Атина до Солун и изградбата на двојната железничка линија од 450 километри“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.