ХАОС НА АЕРОДРОМОТ ВО САРАЕВО: Избегнат инцидент помеѓу полицијата на БиХ и обезбедувањето на Ердоган
- Детали
- Категорија: Свет
- Создадено: 08 Јули 2019
На Меѓународниот аеродром во Сараево е избегнат инцидент помеѓу припадниците на Граничната полиција на Босна и Херцеговина и обезбедувањето на турскиот претседател Реџеп Тајип Ердоган, поради одбивање да помине низ редовна процедура за аеродромска контрола.
Како што пренесуваат локалните медиуми, инцидентот го потврди директорот на Граничната полиција на БиХ, Зоран Галиќ, кој го пофали професионализмот и реакцијата на припадниците на Единицата на граничната полиција на БиХ, истакнувајќи дека, сепак, се поминало без проблеми.
– Тие кои доаѓаат во БиХ мора да ги почитуваат законите на БиХ, а не да покажуваат дека се над нив, рече Галиќ, додавајќи дека членовите на Претседателството на БиХ кога патуваат во странство секогаш ги почитуваат законите на другите држави.
До инцидентот дошло на пистата, кога членовите на обезбедувањето на Ердоган одбиле да поминат низ редовната контролна процедура.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
