Салвини го затвори најголемиот центар за мигранти во Европа
- Детали
- Категорија: Свет
- Создадено: 10 Јули 2019
Италијанскиот министер за внатрешни работи Матео Салвини денеска го затвори центарот за мигранти на Сицилија, кој го опиша како најголем во Европа, истакнувајќи дека приливот на мигранти е намален откако тој стапи на должност пред една година.
Салвини рече дека за една година бројот на мигранти во центрите е намален од 182.000 на 107.000.
Според податоците на Министерството за внатрешни работи, оваа година во Италија пристигнаа 3.073 мигранти, додека во истиот период минатата година тој број изнесуваше 17.000, а во 2017 година – 85.000.
Салвини не дозволува хуманитарните спасувачки бродови да се сместат во италијанските пристаништа, но и покрај тоа некои бродови со мигранти и натаму доаѓаат во Италија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс