Преку лажен Твитер профил објавена лажна вест дека починал поранешниот грчки претедател Папуљас

Италијанскиот новинар Томазо Дебенедети познат по лажните профили на Твитер и лажните вести, одново ја дезинформираше грчката јавност со информација дека починал поранешниот грчки претседател Каролос Папуљас, вест објавена преку профил на кој стои името на вицепремиерот на грчката влада Пикраменос.

 

-Каролос Папуљас, поранешниот претседател на Грција пред неколку минути почина на 90 годишна возраст, пишува во твитот наводно објавен од вицепремиерот Панајотис Пикраменос, а 26 минути подоцна објави и нов твит во кој вели дека профилот е лажен и креиран од италијанскиот новинар Томазо Дебенедети.

 

Според информациите на дописничката на МИА од Атина, навистина станува збор за лажен профил и мерки веќе презема секторот за борба со електронски криминал на грчката полиција.

 

Ова е втор пат Италијанецот Дебенедети да објави слична вест преку Твитер. Во август минатата година преку лажен Твитер профил на кој стоеше името на тогашната министерка за култура Мирсина Зорба објави дека починал познатиот грчки режисер Костас Гаврас.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.