1-ва Скопска - МТМ Телевизија

Британскиот Парламент треба веднаш да ја прекине летната пауза за да одржи седница за Брегзит, изјави денеска Џон Мекдонел, втор човек на опозициската Лабуристичка партија, откако протекоа владини документи за можните ризици од излезот на Британија од ЕУ без договор.

Како што објави вчера „Сандеј Тајмс“, повикувајќи се на доверлив документ од британската Влада за ризиците од Брегзит, во случај Велика Британија да излезе без договор ќе се соочи со недостиг од гориво, храна и лекови.

– Неопходно е повторно да се соберат пратениците бидејќи ни треба време за соодветна дебата во врска со Брегзит, истакна Мекдонел.

Парламентот е на пауза до 3 септември.

Лабуристите кои се против излез на Британија без договор со ЕУ, сакаат да ја соборат владата на премиерот Борис Џонсон и да формираат коалиција предводена од нивниот лидер Џереми Корбин, со цел да се одложи Брегзит.