ЕУ и дава на БиХ дополнителни 10 милиони евра за мигрантите
- Детали
- Категорија: Свет
- Создадено: 19 Август 2019
Европската комисија денеска донесе одлука да издвои 10 милиони евра дополнителни средства за поддршка на Босна и Херцеговина во решавање на проблемите поради зголемениот број мигранти и бегалци.
Со тоа, вкупното финансирање на ЕУ за миграцискиот проблем во БиХ од почетокот на 2018 година е 34 милиони евра.
Фондовите на ЕУ во најголем дел ќе се користат за формирање дополнителни центри за привремен прием и обезбедување на основни услуги и заштита, вклучително и храна и сместување, како и пристап до санитарни услови и хигиена.
Според официјални податоци, во БиХ од јануари 2018 година влегле речиси 36.000 бегалци и мигранти.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
