Путин доби роденденска честитка од Холивуд
- Детали
- Категорија: Свет
- Создадено: 08 Октомври 2019
Жителите на Лос Анџелес објавија фотографии на „Инстаграм“ од неидентификуван авион кој на небото над Холивуд „црта“ хаштаг # VVP67, што според мислењето на корисниците на социјалната мрежа, било роденденска честитка за рускиот претседател Владимир Путин.
Видеото ги прикажува иницијалите на рускиот претседател ВВП - Владимир Владимирович Путин, додека 67 го претставува бројот на години што ги наполни вчера.
Еден корисник објави видео на кое се гледа дека честитката е направена од мал авион што кружи на небото, пренесува Б92.net.
Путин го прослави својот 67. роденден во дивината, далеку од Кремљ, уживајќи во тајгата со неколку свои сопартијци.
На видеото и фотографиите објавени вчера може да се видат Путин и министерот за одбрана, Сергеј Шојгу, како се качуваат на планини и собираат печурки.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс