Ердоган го одби повикот на САД за примирје
- Детали
- Категорија: Свет
- Создадено: 16 Октомври 2019
Турскиот претседател Реџеп Таип Ердоган го одби повикот на САД за итен прекин на огнот во северна Сирија. Ова следи во пресрет на посетата на Турција на американскиот потпретседател, Мајк Пенс и генерален секретар на САД, Мајк Попмео.
Турција започна офанзива за протерување на курдските трупи по повлекувањето на нивниот главен сојузник – САД.
Русија, која ја поддржува Сирија, порача дека спречува судири меѓу турските и сириските сили, кои сега се преселиле во областа по договорот со Курдите.
Турција ги смета елементите на сириските демократски сили (СДФ) предводени од Курдите за терористичка организација и сака да ги оддалечи од границата. Анкара најави дека сака да создаде „безбедна зона“ што ќе достигне околу 30 километри во Сирија, за преселување на два милиони сириски бегалци кои моментално се наоѓаат во Турција.
Сириските сили, поддржани од Русија, напредуваа на север изминатиот викенд, по договорот со Курдите, во обид да ја задржат турската операција.
Администрацијата на Трамп е на удар на критики поради повлекувањето на трупите од Сирија, потег кој на Турција ѝ овозможил зелено светло за офанзива.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс