„Спутник“: НАТО размислува за промена на политиката поради Русија
- Детали
- Категорија: Свет
- Создадено: 16 Ноември 2019
НАТО би требало да ја ревидира политиката поради хибридните закани кои доаѓаат од Русија, соопшти истражувачкиот колеџ на алијансата, а пренесе „Спутник“.
Како што наведува руската агенција, во документот „Одредување на обемот на надлежностите на НАТО“, посебно внимание е посветено на ограничувањето на Русија во источна насока.
Се оценува дека НАТО треба да формира заедници имуни на хибридни закани кои доаѓаат од Русија, а покрај тие заедници, треба да бидат вклучени и органите на локалната самоуправа, како и приватниот сектор.
Ова, пред сè, се однесува на земјите кои не се членки на алијанста, а веќе имаат искуство во тие области, како Шведска и Финска.
Генералниот секретар на НАТО, Јенс Столтенберг, претходно ја обвини Русија за мешање во внатрешните работи на суверени земји и порача дека тоа претставува најголема безбедносна закана за Европа.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс