Моќен тајфун им се заканува на Филипините, евакуирани 200.000 лица
- Детали
- Категорија: Свет
- Создадено: 02 Декември 2019
Од крајбрежните и планинските области на Филипините, 200.000 луѓе се евакуирани поради опасност од поплавување и лизгање на земјиштето, бидејќи се приближува моќен тајфун кој вечерва ќе ја погоди земјата.
Станува збор за тајфунот Камури, 20-ти што ќе ги погоди Филипините оваа година.
Метеоролозите предвидуваат дека тајфунот, проследен со силен ветер од 165 километри на час, ќе го погоди островот Лузон.
Сите четири терминали во главниот град Манила ќе бидат затворени утре, поради претпазливост од 11 до 23 часот по локално време.
Службата за вонредни ситуации објави дека евакуирани се 200.000 луѓе од десетици провинции во јужниот дел на Лузон, пренесува Ројтерс.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
