ПЕТИЦИЈА: Коалите од Австралија да бидат сместени во Нов Зеланд
- Детали
- Категорија: Свет
- Создадено: 13 Јануари 2020
Илјадници новозеланѓани се приклучија на петицијата во која се повикува коалите да бидат иселени заради пожарите што уништија поголем дел од Австралија, јавија медиумите.
Коалите исчезнуваат во земјата, а може да живеат во Нов Зеланд, како и многу други австралиски животински видови, се вели во петицијата. До понеделник наутро, петицијата ја потпишале над 5.000 луѓе.
Во петицијата се истакнува дека коалите нема да го загрозат екосистемот во Нов Зеланд. Тие традиционално живеат во еукалиптус шуми, а такви има околу 30.000 хектари во Нов Зеланд.
Повеќе од 10 милиони хектари се изгорени во Австралија од пожарите што не престанаа од септември минатата година. Најмалку 26 луѓе загинаа во катастрофата, со уништени илјадници домови. Се проценува дека над 1 милион животни се изгорени во пламенот што беснее со месеци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс