Пријава за Јосипа Лисац поради лоша изведба на хрватската химна
- Детали
- Категорија: Свет
- Создадено: 20 Февруари 2020
Адвокатот Бошко Жупановиќ поднесе пријава против хрватската пејачка Јосипа Лисац за нејзината изведба на хрватската химна на инаугурацијата на новоизбраниот, петти по ред претседател Зоран Милановиќ. Јосипа Лисац пред два дена, на инаугурацијата на хрватскиот претседател Зоран Милановиќ, ја отпеа хрватската национална химна „Лијепа наша домовино“.
Во пријавата се вели дека тврди дека Лисац ја извела химната на Република Хрватска на „потсмешлив и омаловажувачки“ начин и со тоа го нарушила угледот на државата користејќи „потсмешливи артикулации и тоналитети“.
„Јас не сакам медиумско внимание. Го направив тоа како адвокат и граѓанин. Мислам дека тоа е обично исмејување и дека не прилега за никаков настан, а камоли за инаугурација на избраниот хрватски претседател“, рече Жупановиќ за Индекс, додавајќи дека ова го смета за своја граѓанска должност.
„Сега ќе ви бидам најискрена. Ова е многу свечен момент. Честитки до претседателот Зоран Милановиќ. Мене ми беше страв. Морав да станам рано и тоа за мене е нешто страшно. Јас, која станувам околу 11 часот, можете да си замислите како ми беше. И гласот мора да биде во топ форма“, изјави Јосипа Лисац за хрватските медиуми и додаде: „На некои луѓе нема да им се допадне тоа, но тоа е слободата. Треба да се сака својата земја, да бидеме слободни во неа, треба да се твори во неа. Да се сакаме себеси и сите околу нас“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс