Хрватот кај кого е потврден коронавирус во петокот бил на работа, се огласија и од компанијата

Првиот Хрват кај кого беше потврдена инфекција со коронавирус е вработен во технолошката компанија „Ериксон Никола Тесла“ и бил на работа во петокот, пишува порталот „Индекс“.

 

Во Милано тој бил на фудбалски натпревар на Лигата на шампионите помеѓу Аталанта и Валенсија. Девојката со која бил во Милано сè уште не е тестирана на вирусот.

 

Двајцата во Милано престојувале од 19 до 21 февруари.

 

По враќањето, тој бил на работа во петокот и чувствувал одредени симптоми, но ги препишал на настинка или грип.

 

„Вработениот во петокот беше на работното место во Загреб. Според нашите информации, во неделата тој бил примен во болница, а дополнително е утврдено присуството на коронавирусот“, велат од компанијата.

 

Додаваат дека повеле постапка за дејствување предвидено во кризни ситуации и се во директен контакт со службите.

 

Девојката и сите други со кои бил во контакт ќе бидат тестирани.

 

Првиот коронавирус во Хрватска беше утврден денеска.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.