1-ва Скопска - МТМ Телевизија

Германската канцеларка Ангела Меркел, која е во самоизолација затоа што била во контакт со доктор позитивен на коронавирус, се чувствува добро и од дома ги извршува телефонските разговори од претставниците на меѓународната заедница, рече портпаролот на владата, Штефан Зајбер.

„Канцеларката е добро. Таа работи од дома, во постојан контакт е со сите членови на кабинетот и разговорите ги извршува од дома“, изјави тој на прес-конференција.

Портпаролот повтори дека Меркел ќе изврши серија тестови и додаде дека за сè ќе бидат известени јавноста и медиумите, пренесе „Ројтерс“.

Во понеделникот беше објавено дека првиот тест на коронавирус на германската канцеларка бил негативен.