Северна Кореја се заканува со прекин на дијалогот со САД
- Детали
- Категорија: Свет
- Создадено: 31 Март 2020
Северна Кореја се закани дека ќе стави крај на дијалогот со САД, откако американскиот министер за надворешни работи, Мајк Помпео, изјави дека едвај чека разговорите повторно да започнат.
„Слушајќи ги комичните изјави на Мајк Помпео, ни дојде до тоа да ја отфрлиме секоја надеж за обновување на дијалогот“, рече севернокорејски претставник задолжен за преговорите.
„Ќе си направиме сопствен пат“, додал неименуваниот официјален претставник за државната новинска агенција КЦНА.
Минатата недела американскиот дипломат ја повика меѓународната заедница да остане одлучна во примената на дипломатски и економски санкции поради севернокорејската програма за балистички ракети, истовремено повикувајќи на враќање на разговорите.
Аналитичарите велат дека Пјонгјанг, и покрај осудите и санкциите од меѓународната заедница, ги пополнува своите воени капацитети, малку по малку. Пјонгјанг во понеделникот го тестираше таканаречениот супер-голем ракетен фрлач, а еден ден претходно испука две балистички ракети со краток дострел во Јапонското Море.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
