Почина актерката Ширли Даглас
- Детали
- Категорија: Свет
- Создадено: 06 Април 2020
Kaнадската актерка и активист за човекови права Ширли Даглас почина во неделата (5 април) на 86-годишна возраст, објавија светските медиуми повикувајќи се на соопштение на нејзиниот син, актерот Кифер Сатерленд.
Даглас почина од пневмонија, напиша Сатерленд на Твитер, прецизирајќи дека нејзината смрт не е поврзана со пандемијата на коронавирус.
„Мајка ми беше извонредна жена која водеше вонреден живот“, напиша Сатерленд, познат како агент Џек Бауер во ТВ-трилерот 24.
„За жал, таа веќе подолго време се бореше за своето здравје и ние како семејство знаевме дека ќе дојде овој ден “, напиша тој.
Актерската кариера Даглас ја помина помеѓу Канада и Холивуд, каде работеше со славни режисери меѓу кои Стенли Кјубрик и Дејвид Кроненберг.
Таа е исто така позната по кампањите за прогесивни каузи, вклучувајќи ги движењата за граѓански права и „Црните пантери“ во 1960-тите, а подоцна го бранеше системот на јавно здравство во Канада.
Даглас имаше три деца, две од нив - меѓу кои Кифер - со холивудскиот актер Доналд Сатерленд.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс