1-ва Скопска - МТМ Телевизија

Бројот на Американци починати од коронавирус денеска премина 19.600 што сега е највисок смртен биланс во светот, пренесува „Ројтерс“, со индикација дека епидемијата е блиску до својот врв.

Италија е втора со 19.468 смртни случаи, а Шпанија трета со 16.353 лица починати од Ковид-19.

Сепак, во САД живеат пет пати повеќе луѓе отколку во Италија и седум пати повеќе од Шпанија, потсетува агенцијата.

Америка четврти ден по ред бележи околу 2.000 смртни случаи.

Во Италија во последните 24 часа починаа 619 луѓе, а 4.694 се новозаразени.

Само во Ломбардија, најпогодениот регион, починаа 273 лица, а зразени се нови 1.544 луѓе.

Вчера бројот на починати во Италија беше 570, а еден ден претходно 610.

Италијанската влада вчера до 3 мај ги продолжи вонредните мерки воведени пред еден месец за да се спречи ширењето на коронавирусот.

Според најновите податоци, во светот има 1,6 милиони заразени и 103.000 мртви како последица на Ковид-19.