Велика Британија воведува 14-дневен карантин за сите кои доаѓаат од странство
- Детали
- Категорија: Свет
- Создадено: 23 Мај 2020
Во Велика Британија од 8 јуни ќе биде задолжителен 14-дневен карантин за секој што доаѓа од странство, вклучително и британски државјани, рече британската министерка за внатрешни работи, Прити Пател, а со цел да се спречи ширењето на коронавирусот.
„Сега, откако го поминавме врвот на заразата мора да преземеме чекори за да се заштитиме од увезени случаи што би предизвикало повторно ширење на оваа смртоносна болест“, рече Пател на прес-конференција.
Непочитувањето на оваа мерка ќе се казни со казна до 1.000 фунти.
Карантинот нема да биде задолжителен за оние што доаѓаат од Република Ирска, возачите на камиони, медицинскиот персонал и сезонските земјоделски работници, а мерката ќе се преиспитува на секои три недели.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
