Силно невреме ја зафати Грција, има и жртви
- Детали
- Категорија: Свет
- Создадено: 26 Мај 2020
Силно невреме зафати неколку грчки региони, проследено со грмотевици, молњи и обилни врнежи од дожд. Невремето одзеде и најмалку еден живот, пренесуваат грчките медиуми.
Обилни дождови, во главно проследени со град и силен ветар, погодија поголем дел од земјата и според метеоролозите, ваквото време ќе трае до петок.
На островот Скопелос една жена загинала од удар на гром, пренесе „Грик репортер“. Невремето ја погоди и Атина, каде се слушале силни грмотевици.
Драматично е и на Халкидики, каде паѓаше град. На регионалниот пат Полигирос-Солун, патнички возила и камиони веќе неколку часови стојат поради голема количина на мраз на патот, пренесуваат медиумите.
Во одделни предели пејзажот изгледа како да е покриен со снег, бидејќи град ги зафати патиштата и полињата. Екстремни временски услови ги погодија на југ Каламарија и Олимпија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
