Жена во Хрватска која се опоравила од коронавирусот, повторно позитивна
- Детали
- Категорија: Свет
- Создадено: 28 Мај 2020
Хрватските здравствени власти забележле т.н. „корона повратник“ во Задар. Имено, една жена која веќе го прележала вирусот, повторно е позитивна на Ковид-19, пренесоа тамошните медиуми.
Според информациите од Штабот за цивилна заштита во Задарската жупанија, едно лице е повторно позитивно на коронавирусот, по првичното опоравување.
Станува збор за постара жена која го прележала вирусот, а откако повторно ги добила симптомите, била одново тестирана и резултатот бил позитивен.
Бидејќи станува збор за специфичен случај, испратено е барање за мислење од Хрватскиот институт за јавно здравје и се очекува одговор, пренесува „Индекс“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс