Хрватските граници нема да бидат отворени за туристи од Македонија
- Детали
- Категорија: Свет
- Создадено: 28 Мај 2020
Хрватскиот премиер, Андреј Пленковиќ, најави денеска отворање на границите за туристи од 10 земји, меѓу кои не е Македонија.
„Успеавме во првото полувреме да ја победиме епидемијата. Направивме план според кој би ја измениле одлуката за привремена забрана за поминување на граничните премини за државјани од низа земји за туризам. Тоа би се однесувало на Словенија, Унгарија, Австрија, Чешка, Словачка, Естонија, Летонија, Литванија, Полска и Германија“, наведе Пленковиќ.
Како што рече тој, листата ќе се проширува во согласност со ситуацијата.
Претходно, и Црна Гора објави листа на земја за кои ќе бидат отворени границите од 1 јуни, а меѓу кои не се Македонија и Србија поради бројот на случаи со заразени од коронавирусот. На листата на земји шт може да летуваат во Црна Гора од регионот се наоѓаат Хрватска, Албанија, Грција и Словенија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
