Плажите на Флорида се затвораат поради зголемување на бројот на заболени од коронавирус
- Детали
- Категорија: Свет
- Создадено: 29 Јуни 2020
Неколку плажи во американската држава Флорида ќе бидат затворени повторно со цел да се спречи собирањето на голем број луѓе во обид да се запре понатамошното ширење на коронавирусот.
Гувернерот на таа американска држава, Рон Десантис, рече дека собирите на младите доведуваат до зголемување на бројот на заболени.
Официјални лица на таа држава најавија забрана за консумирање алкохол во барови, а причината, како што објасни Десантис, е широко распространето непочитување на мерките.
Во округот Броуард неколку ресторани беа затворени затоа што не ги почитуваа ограничувањата на бројот на гости и обврската да носат маски.
Властите на округот Брауард и Мајами-Дејд објавија дека ќе ги затворат плажите за време на одбележувањето на американскиот национален празник Денот на независноста, кој се слави на 4 јули.
Повеќе од 8.300 нови случаи на коронавирус беа пријавени во неделата во Флорида, а 29 луѓе починаа.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс