Кина реципрочно ќе воведе визи за Американците
- Детали
- Категорија: Свет
- Создадено: 29 Јуни 2020
Кинеското Министерство за надворешни работи објави дека ќе воведе визни ограничувања за американските граѓани, кои се однесуваат несоодветно во однос на Хонгконг.
Ваквата мерка од страна на Кина е одговор на Вашингтон, кој го објави истото за одредени кинески претставници.
Портпаролот на Министерството, Џао Лиан изјави дека Кина ги повика САД да престанат да се мешаат во внатрешните теми поврзани со Хонгконг и предупреди дека Пекинг ќе реагира со остри контрамерки ако Вашингтон продолжи со своите активности, пренесува „Ројтерс“.
САД ги објавија визните ограничувања за сегашните и поранешните функционери на Комунистичката партија на Кина (ККП) за кои се верува дека се одговорни или соучесници во наводно поткопување на високиот степен на автономијата на Хонгконг или човековите права.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
