1-ва Скопска - МТМ Телевизија

Аеродромот во Милано „Линате“ ќе биде отворен денеска, по четири месеци, но првите два дена ќе поминат без летови.

Првите летови, кои ќе ги реализираат авиокомпаниите „Луфтханза“, „Иберија“ и „Ер Малта“, се закажани за в среда, а италијанската компанија „Алиталија“ ќе има летови од 24 јули.

Патниците се должни да носат заштитни маски на аеродромот и да ги почитуваат правилата за физичко растојание, а на влезот ќе им се мери температура.

Аеродромот беше затворен во почетокот на март, како дел од мерките за да се спречи ширењето на коронавирусот.