Во Украина рекордни 1.592 новозаразени, министерот предупредува дека ситуацијата e напната
- Детали
- Категорија: Свет
- Создадено: 13 Август 2020
Украина забележа рекордно дневно зголемување од 1.592 новозаразени во средата, соопшти Националниот совет за безбедност и одбрана.
Бројот на заразени во земјата нагло се зголеми во последните два месецa, бидејќи властите олеснија некои ограничувања отворајќи ги кафулињата, црквите и јавниот превоз.
Министерот за здравство Максим Степанов ги повика граѓаните да ги почитуваат пошироките ограничувања кои остануваат на сила.
„Јас ќе инсистирам на строго придржување кон сите правила. Ситуацијата е многу напата“, рече Степанов на брифинг за новинарите.
Вкупниот број на регистрирани инфекции во земјата се зголеми на 86.140, вклучувајќи и 1.992 смртни случаи односно 46.216 опоравени до 13 август.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс