Во Словенија 29 новозаразени, од кои 22 се помлади од 34 години
- Детали
- Категорија: Свет
- Создадено: 13 Август 2020
Во последните 24 часа во Словенија се направени 856 тестирања при што се потврдени 29 новозаразени од коронавирус, двајца помалку од претходниот ден, објави словенечката влада.
Состојбата во болниците е подобра отколку претходниот ден, така што во моментот се хоспитализирани 19 пациенти со Ковид-19, што е за четири помалку од претходниот ден, а само двајца пациенти се на интензивно одделение.
Пет пациенти се отпуштени од болничко лекување на домашна нега во последните 24 часа, а не се пријавени нови смртни случаи во тој период, соопшти Министерството за здравство.
Според добиените податоци, во Словенија моментно има 193 активни заразени лица, а инфекции се регистрирани во последните 24 часа во 21 општина, претежно во самата Љубљана, каде имало пет.
Меѓу новозаразените, 22 од нив се помлади од 34 години.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс