СЗО: Треба да се избегне затворање на училиштата поради пандемијата
- Детали
- Категорија: Свет
- Создадено: 16 Септември 2020
Шефот на Светската здравствена организација вели дека треба да се избегне затворање на училиштата поради пандемијата на коронавирусот и да се применува само на места со голема стапка на инфекција.
На Тедрос Аданом Гебрејесус му се придружија шефовите на УНИЦЕФ и УНЕСКО за да се нагласи важноста за одржување на училиштата отворени каде што е можно и да се предупреди дека колку повеќе деца не одат на училиште, толку е помала веројатноста тие се вратат на многу места.
Тој вели дека учењето на далечина треба да биде достапно каде што е можно, објави АП.
Тедрос вели дека податоците на СЗО покажуваат дека процентот на смртни случаи од Ковид-19 евидентиран кај лица на возраст под 20 години е помал од 0,2 проценти. Според него, потребни се повеќе истражувања за факторите што го зголемуваат ризикот од тешки случаи и смрт кај децата и предупреди дека долгорочните ефекти остануваат непознати.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
