Во Босна и Херцеговина 215 новозаразени, потпишан договор за набавка на вакцинa
- Детали
- Категорија: Свет
- Создадено: 22 Септември 2020
Во Босна и Херцеговина се потврдени 215 нови случаи на инфекција со коронавирус, а пет заразени лица починаа во изминатите 24 часа, објавија институтите за јавно здравје.
Во Федерацијата БиХ се тестирани 1635 примероци, а инфекцијата е потврдена кај 164 случаи.
Во Република Српска, од понеделникот се тестирани 466 примероци, а потврдена е инфекција со вирусот САРС-КоВ-2 кај 51 лице.
Од епидемијата на коронавирус во март во БиХ, инфекцијата е откриена кај повеќе од 25.700 луѓе, а повеќе од 18.000 се третираат како закрепнати.
Починаа 784 лица кај кои инфекцијата е потврдена.
БиХ е меѓу земјите во светот што потпишаа договор за набавка на вакцинa против коронавирус со Глобалниот сојуз за вакцини (ГАВИ), а властите на БиХ се надеваат дека земјата ќе биде меѓу првите што ќе ја добие вакцината откако ќе биде проверена и подготвена за широка употреба.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс