САД не го признаваат Лукашенко за претседател на Белорусија
- Детали
- Категорија: Свет
- Создадено: 24 Септември 2020
САД сметаат дека Александар Лукашенко е нелегално избран претседател на Белорусија, изјави претставник на Стејт департментот за РИА Новости.
Официјалниот претставник рече дека изборите на 9 август не биле ниту слободни ниту фер.
„Објавените резултати беа измислени и не го одразуваа легитимитетот. САД не можат да го сметаат Александар Лукашенко за легитимно избран лидер на земјата“, рече портпаролот на Стејт департментот, коментирајќи ја инаугурација на Лукашенко.
Лукашенко ја презеде должноста претседател на Белорусија вчера, а инаугурацијата се одржа во Палатата на независноста, објавија белоруските медиуми.
На 9 август се одржаа претседателски избори во Белорусија, на кои, според Централната изборна комисија, победи Александар Лукашенко со 80,1 процент од гласовите. Сепак, после тоа започнаа масовни протести затоа што опозицијата смета дека изборите биле украдени.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
