Kина: Запрете го увозот на замрзната храна од загрозените земји, преку неа се пренесува корона
- Детали
- Категорија: Свет
- Создадено: 28 Септември 2020
Властите во Пекинг апелираа до увозниците да престанат да увезуваат замрзната храна од земјите погодени од епидемијата Ковид-19, бидејќи примероците на замрзната храна од странство во неколку наврати биле позитивни на коронавирус.
„Царината и локалните власти во повеќе наврати откриле коронавирус во увезената замрзната храна“, се вели во соопштението на Администрацијата за трговија во Пекинг, пренесе Ројтерс.
Надлежната служба во кинеската престолнина апелираше внимателно да се следи епидемиолошката состојба и да се избегне увоз на замрзната храна од земјите погодени од масовното ширење на коронавирусот.
Во септември кинеските власти го прекинаа увозот на замрзната морска храна од Бразил, Индонезија и Русија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
